«Lion» klubi yarim himoyachisi Geida Fofana 25 yoshida futboldagi faoliyatini yakunlashga qaror qildi. Futbolchi to'pig'idagi muammolar tufayli shunday qarorga kelishga majbur bo'ldi. «Men nima kerak bo'lsa hammasini qilib ko'rdim, ammo afsuski hech nimani o'zgartirib bo'lmadi. To'pig'imning bunday holatida men futbol o'ynay olmayman. Klub prezidenti bilan gaplashdim. U menga jamoada qolishimni va boshqa vazifada ishlashimni taklif qildi. Buni o'ylab ko'raman. Menda futbolga tegishli bo'lmagan bir nechta takliflar bor, ammo menga «Lion»dagi taklif yoqmoqda. Men tezda o'z qarorimni aytaman», — deydi Fofana. Geida Fofana so'nggi martta «Lion»ning 2015 yilning 23 may kunidagi «Renn»ga qarshi kechgan uchrashuvida maydonga tushgan.
— deya xabar beradi uff.uz nashri.