«Lion» va «Manchester Yunayted» klublari Memfis Depayning narxi borasida kelishuvga erishdilar, deya xabar qilmoqda L'Equipe nashri. Manbada aytilishicha, tomonlar butunlay kelishuvga erishishlari uchun bir nechta kichik detallar qolgan. «Lion» 22 yoshli futbolchi bilan shaxsiy shartnoma borasida kelishib bo'ldi va Frantsiya klubi gollandiyalik hujumchi bilan 4,5 yillik shartnoma imzolaydi. Yaqin soatlar ichida Memfis tibbiy ko'rikdan o'tish uchun Lionga ketishi mumkin. Eslatib o'tamiz, "Manchester Yunayted" Depayni 2015 yilda PSV klubidan sotib olgan edi.
— deya xabar beradi uff.uz nashri.