«Arsenal» klubining sobiq hujumchisi Terri Anri Aleksis Sanches bilan bog'liq holatga nisbatan o'z fikrlarini bildirdi. «Sanches jamoa bilan shartnomasini uzaytirishini xohlayman, buni hamma xohlamoqda. Bu klub uchun oson bo'lmaydi, ammo u erda uni ko'ndira oladigan insonlar bor. «Arsenal» muxlisi sifatida uni jamoada butunlay qolishini istayman, chunki u O'zil kabi klubning kelajagi hisoblanadi. Agar ketishni istayotgan bo'lsa, u holda «Bavariya» yoki «PSJ» klubiga o'tgani ma'qul. Balki, Aleksis Myunxendagi do'sti Vidalning yoniga ketar... Ammo, Aleksis, hech kimning so'zlarini eshitma va jamoada qolish imkoniyatini qidir», – deya Anri so'zlarini keltirmoqda Sky Sports nashri.
— deya xabar beradi uff.uz nashri.