Astraliya ochiq chempionatining amaldagi g'olibi Novak Jokovich chempionlik unvonini himoya qila olmadi. Bu yilgi musobaqaning ikkinchi davrasida serbiyalik tennischi O'zbekiston vakili Denis Istominga besh set natijasiga ko'ra imkoniyatni boy berdi.
O'yindan so'ng Novak Jokovich o'zbekistonlik raketka ustasi undan har jihatdan ustunlik qilganini tan oldi.
- Denisning kuchini tan olish lozim, - dedi Novak Jokovich. - U ajoyib o'ynadi va haqqoniy g'alabaga erishdi. Shubhasiz, u o'yinning asosiy komponentlarida mendan ustun edi.
Mag'lubiyatni tan olish, albatta mardning ishi. Biz o'zbekistonlik muxlislar nomidan Denis Istominni tarixiy g'alaba bilan tabriklab, Novak Jokovichning kelasi ishlarida omad tilaymiz.
— deya xabar beradi uff.uz nashri.