Germaniya chempionati 17-turidan o'rin olgan «Frayburg» – «Bavariya» uchrashuvi yakunlandi. Unda myunxenlik futbolchilar so'nggi daqiqalarda irodali g'alabani qo'lga kiritishga muvaffaq bo'ldilar. Uchrashuvning 4-daqiqasidayoq mezbonlar vakili Yanik Xaberer jamoasini oldinga olib chiqdi. 35-daqiqada Roberd Levandovski muvozanatni tiklagan bo'lsa, hakam tomonidan qo'shib berilgan daqiqalarda yana polshalik hujumchi o'z hisobiga gol yozib qo'ydi va «Bavariya»ga g'alaba keltirdi. Germaniya chempionati. 17-tur Frayburg – Bavariya 1:2  Gollar: 1:0 – 4 Xaberer, 1:1 – 35 Levandovski, 1:2 –90(+1) Levandovski. Frayburg – Shvolov, Torrexon, Gyunter, Shtentsel (Kyubler, 83), Gulde, Frantts, Xefler, Xaberer (Bulut, 80), Filipp, Grifo, Niderlexner (Petersen, 70). Bavariya – Noyer, Martines, Xummels, Alaba (Bernat, 71), Robben, Lam, Vidal (Kimmix, 55), Xabi Alonso, Duglas Kosta (Riberi, 71), Myuller, Levandovski. Ogohlantirishlar: Xabi Alonso (31), Duglas Kosta (48), Xaberer (74), Shvolov (84).
— deya xabar beradi uff.uz nashri.