"Manchester Siti" bosh murabbiyi Xosep Gvardiola darvozabon Klaudio Bravoning muvaffaqiyatsiz o'yini haqida fikr bildirdi.
"Men tanqidni qabul qilaman. Bu bizning, murabbiylar va futbolchilar ishining bir qismi. Shunday ekan, men uni qabul qilaman.
Musobaqa jadvalidagi o'rin darvozabonga bog'liq emas. Agarda shunday bo'lganda, men uchun hammasi ancha oson bo'lar edi.
Hamma gap shundaki, yaxshiroq o'ynash uchun imkoniyatlardan samarali foydalanib, kamroq gol o'tkazib yuborish kerak", - deydi Gvardiola.
Eslatib o'tamiz, ayni vaqtda "Manchester Siti" musobaqa jadvalida beshinchi o'rinda bormoqda va "Chelsi"dan 10 ochko ortda qolgan.
— deya xabar beradi uff.uz nashri.