"Barselona" jamoasida gol urish bo'yicha rekordchilar haqidagi maqolalarni davom ettiramiz.
UEFA kubogida eng ko'p gol urgan futbolchi - Karles Reshak
1967-1981 yillarda Kataloniyaliklar libosida 100 dan ortiq gollar urgan Reshak, ana shu gollarning 11 tasini UEFA kubogi turnirida o'z nomiga yozdirib qo'ygan.
Yarmarkalar kubogida eng ko'p gol urgan futbolchi - Xose Zaldua
Zaldyua 1961 yildan 1971 yilga qadar "Barselona" uchun 90 ga yaqin gollar urgan. Xosening 19 ta goli Yarmarkalar kubogi turniriga to'g'ri keladi.
Klublar o'rtasidagi jahon chempionatida eng ko'p gol urgan futbolchilar - Lionel Messi, Luis Suares
Messi 3 ta, Suares bitta jahon chempionatida 5 ta gol urishga muvaffaq bo'lishgan. Har ikkala o'yinchi ham bir martadan musobaqa to'purariga atalgan sovringa ega chiqishgan.
Bir yilda eng ko'p gol urgan futbolchi - Lionel Messi
"Barsa" tarkibida Messi 2012 yil yanvaridan dekabriga qadar jami 79 ta gol urdi. Shu tariqa Leo bir kalendar yilida eng ko'p gol urgan futbolchiga aylandi.
Bir mavsumda eng ko'p gol urgan futbolchi - Lionel Messi
Eng ko'p "oltin to'p" yutib olgan futbolchi 2011/12 yilgi mavsumda chempionatda 50 ta, Ispaniya kubogida 3 ta, superkubogida 3 ta, Chempionlar ligasida 14 ta, Evropa superkubogida 1 ta va klublar o'rtasidagi mundialda 2 ta, jami 73 ta gol bilan o'ziga xos rekord sohibiga aylandi. Davomi>>
— deya xabar beradi uff.uz nashri.