«Manchester Yunayted» klubi ushbu mavsum natijalaridan so'ng Chempionlar Ligasiga chiqa olmasa, bir nechta futbolchilarning maoshini qisqartiradi, deya xabar qiladi The Sun nashri. Manbada aytilishicha, ushbu yo'l orqali klub EChLga chiqa olmay qolsa, undan ko'rilajak zararlarni kamaytirishni maqsad qilgan. Agar «MYu» Angliya chempionatining kuchli to'rtligiga kira olmasa, u holda ba'zi futbolchilarning shu jumladan yarim himoyachi Pol Pogba va hujumchi Zlatan Ibrahimovichlarning maoshi 25%ga qisqartiriladi. APLning 22-turidan so'ng «MYu» turnir jadvalining oltinchi pog'onasida ketmoqda va to'rtinchi o'rindagi «Liverpul»dan to'rt ochko ortda qolmoqda.
— deya xabar beradi uff.uz nashri.