Madridning "Real" klubi himoyachisi Marselo va yarim himoyachi Luka Modrichda jarohat borligi tasdiqlandi. Har ikki futbolchi ham "Malaga"ga qarshi kechgan va 2:1 hisobida madridliklar g'alabasi bilan yakuniga etgan o'yinda jarohat olgan edi.
Klub matbuot xizmati tomonidan rasman ma'lum qilinishicha, Marseloning son qismi orqa mushaklarida jarohat bor. Modrichda esa oyoq mushaklari cho'zilgan. Hozircha har ikki futbolchining ham safga qaytish muddati haqida xabar berilmagan.
Eslatib o'tamiz, biroz vaqt muqaddam Modrich va Marselo bir oy maydonga tusha olmasligi xabar qilingan edi.
— deya xabar beradi uff.uz nashri.