“Manchester Siti” klubi bosh murabbiyi Manuel Pellegrini Chempionlar ligasining 4-turidan o'rin olgan “Sevilya”ga qarshi o'yin oldidan o'z fikrlarini bildirib o'tdi. “Tarkibimizda David Silva, Serxio Aguero va Samir Nasri jarohat olgan. Ular “Sevilya”ga qarshi o'yinda maydonga tushishmaydi. Umuman olganda, mazkur o'yin hal qiluvchi ahamiyatga ega, deb o'ylamayman. Guruhimizdagi boshqa o'yinlar natijasini ham inobatga olish kerak. Ammo “Sevilya”ni mag'lubiyatga uchratsak, keyingi bosqichga aniq chiqamiz. Tarkibimizda yaxshi futbolchilar yig'ilgan. Ular bilan har qanday vazifani uddalasa bo'ladi”, - deydi Pellegrini.
— deya xabar beradi uff.uz nashri.