Madridning "Real" klubi bosh murabbiyi Zinedin Zidan jismoniy tayyorgarlik bo'yicha jamoada muammo yo'qligini ta'kidlab o'tdi. Frantsiyalik murabbiy Ispaniya Kubogi chorak finalida "Selta"ga qarshi kechadigan o'yin oldidan savollarga javob berdi.
"Menimcha jamoamizda jismoniy tayyorgarlik bo'yicha hammasi joyida. Ammo menga berilayotgan savollarni eshitarkanman, xuddi "Real" oxirgi o'rinda borayotgandek tuyulmoqda.
Men hech narsadan tashvishda emasman. Futbolchilar ham xuddi shunday kayfiyatda", - deydi Zidan.
Eslatib o'tamiz, "Real" va "Selta" o'rtasidagi uchrashuv bugun, 25 yanvarda bo'lib o'tadi.
— deya xabar beradi uff.uz nashri.