1news.uz — O'tgan haftaning shanba kunida ayollar o'rtasidagi Osiyo chempionati saralash bahslariga qur'a tashlandi. Unga ko'ra, Sherali Boboqulov ustozlik qilayotgan O'zbekiston terma jamoasi “B” guruhida Janubiy Koreya, Gonkong, Hindiston va KXDR bilan kurash olib boradigan bo'ldi. “A” guruhini Iordaniya, Filippin, Bahrayn, Iroq, BAA, Tojikiston, “C” guruhini Tailand, Xitoy Taypeyi, Livan, Falastin, Guam, “D” guruhini esa  Vetnam, Myanma, Eron, Suriya, Singapur terma jamoalari tashkil etdi.
E'tibor bergan bo'lsangiz, ayollar futboli rivojlanayotgan davlatlar terma jamoalari bizning guruhda jam bo'lgan. J.Koreya ham, KXDR ham, hattoki Hindiston ham bu sohada qit'ada ayollar futboli rivojlangan Yaponiya, Avstraliya va Xitoy qatorida tilga olinadi. Bundan ko'rinib turibdiki, qur'a marosimida tashkilotchilar kimgadir yon bosishgan. Aniqrog'i, kelasi yili aprel oyida Iordaniyada o'tadigan Osiyo chempionati finalida bu soha mutasaddilari ko'proq mezbonlarning maydonga tushishi tarafdori ekanligi ayon bo'ldi.
Guruh o'yinlarida iordaniyaliklarga jiddiy raqib ro'baro' kelmasligi oldi olingan. Negaki, to'rtta guruhdan bor-yo'g'i g'oliblargina final bosqichiga yo'llanma oladi. Sportda “Qur'aning ko'zi ko'r bo'ladi” degan gap bor, bu erda esa qur'aning emas, musobaqa tashkilotchilarining “ko'zi ko'r” bo'lganga o'xshaydi.
Xabarning tafsilotlari bilan 1news.uz saytida ushbu havola orqali tanishishngiz mumkin.
— deya xabar beradi uff.uz nashri.