Xabaringiz bor, O'zbekiston chempioni – “Lokomotiv” yangi mavsum tayyorgarliklari doirasida ilk xorij yig'inini BAAning Dubay shahrida o'tkazdi va 22 yanvar sanasida Toshkentga qaytib keldi.
Mana 4 kunlik qisqa ta'tildan so'ng “temiryo'lchilar” yana jamoa qarorgohida yig'ildi va bugundan yana mashg'ulotlarga kirishildi. Bugungi mashg'ulotda terma jamoa bilan birgalikda BAA yig'inida qatnashgan futbolchilardan boshqa barcha ishtirok etdi. “Loko”ga yangi kelib qo'shilgan iste'dodli hujumchi Murod Bobojonov ham mashg'ulot jarayonida astoydil mehnat qildi.
Mashg'ulot avvalida futbolchilar Mirko Yelichich boshchiligida engil yugurib olgach, chigalyozdi mashqlari bajarishdi. So'ng to'p bilan muomala mashg'ulotlariga o'tildi. Kunning ikkinchi qismida esa mashg'ulotlar trenajyor zalida davom ettirildi.
— deya xabar beradi uff.uz nashri.