«Real» klubi hujumchisi Krishtiano Ronaldu tanqidlarga e'tibor qaratmasligini aytib o'tdi. So'nggi paytlarda «Santyago Bernabeu»da portugaliyalik futbolchini hushtakbozlik bilan siylashmoqda. «Bu men uchun ahamiyatli emas. Men shunchaki o'z ishimni qilmoqdaman. Barcha futbolchilarni kimdir yomon ko'radi. Men bu borada yakka emasman. Bu kasbimning bir bo'lagi. Men har qanday vaziyatda qattiq uxlayman va yaxshi kayfiyatda uyg'onaman. Men ularning tanqidlariga e'tibor qaratmayman, chunki o'z o'yinim bilan ishqibozlarni xursand qilishni xohlayman. Aynan ular meni hurmat qiladilar, shuningdek har doim men tomondalar. Bu eng muhimi», – deydi Ronaldu.
— deya xabar beradi uff.uz nashri.