Madridning "Real" klubi hujumchisi Alvaro Morata jamoadagi holatidan juda norozi bo'lmoqda.
Ispaniya terma jamoasi hujumchisi asosiy tarkibda ko'p o'ynamayapti va bu holat unga ma'qul emas. Shu bois Morata yozda jamoadan ketishni maqsad qilgan. Agar Zinedin Zidan "Real" boshqaruvida qolsa, Morata jamoadan ketishga qat'iy ahd qilgan.
Hujumchi o'z agentidan boshqa jamoa qidirishni so'ragan. Ayni vaqtda Morataga "Yuventus", "Chelsi" va "Arsenal"dan qiziqish bor.
Morata joriy mavsum Ispaniya chempionatida 13 ta o'yinda maydonga tushdi va shundan 6 tasini asosiy tarkibda boshlab, 5 ta gol urgan va ikkita golli uzatmani amalga oshirgan.
— deya xabar beradi uff.uz nashri.