Madridning "Real" klubi rahbariyati Danilo, Karim Benzema va Alvaro Moratalaring o'yinidan qoniqmayapti, deya xabar qilmoqda ElVernabeu nashri. Xabarda aytilishicha, madridliklar prezidenti Florentino Peres ushbu uch futbolchiga bo'lgan ishonchini yo'qotgan va ularni sotib yuborishga tayyor. Daniloning so'nggi uchrashuvlardagi avtogollari "Real"ga qimmatga tushmoqda, shuningdek u jarohat olgan Karvaxalning o'rnini etarli daraja bosolmayapti. Karim Benzema ham shunga o'xshash vaziyatda, u "Real" prezidenti Peresning ishonchini yo'qotmoqda. Moratada esa boshqacha vaziyat. Alvaro 30 mln evro evaziga jamoaga qaytgandi, ammo u etarlicha o'yin amaliyotiga ega bo'lmayapti. Klub bosh murabbiyi Zinedin Zidan undan ko'ra Karim Benzemaga ko'proq ishonmoqda.
— deya xabar beradi uff.uz nashri.