Madridning "Real" klubi bosh murabbiyi Zinedin Zidan Ispaniya chempionati doirasida "Real Sosedad"ga qarshi kechadigan o'yin haqida fikr bildirdi.
"Danilo hech qaerga ketmaydi. U maydonga tushishga va jamoaga yordam berishga har doim tayyor. Ertaga muxlislar uni qo'llab quvvatlaydilar. Agar "Santyago Bernabeu" undan ko'prog'ini talab qilsa, u shunga tayyor turishi lozim.
Futbolchilarimda muammo yuzaga kelsa, men ularni har doim qo'llayman. Shu jumladan Benzemani ham. Men unga hech qanday ortiqcha mulozamat qilmayapman. Benzema va Morata "Real" "to'qqizligi"da o'ynaydigan eng yaxshi futbolchilar.
Men tanqidni qabul qilishim lozim. Bu tanqidlardan qay darajada rozi bo'lishimdan qat'iy nazar, har bir inson o'z fikrini bildirish huquqiga ega. Biz ishlashda davom etishimiz va o'zimizga ishonishimiz lozim", - deydi Zidan.

— deya xabar beradi uff.uz nashri.