"Arsenal" bosh murabbiyi Arsen Venger Angliya Kubogi doirasida "Sautgempton"ga qarshi kechgan o'yin haqida fikr bildirdi.
"O'yinni tomosha qilish ancha yoqimli bo'ldi, biz yaxshi o'yin namoyish qildik va hujumda xavfli harakat qildik. O'yinni to'liq nazorat qildik.
Uelbek hujumda ancha xavfli harakat qildi, u jarohatdan so'ng mashg'ulotlarda astoydil ishlagani foyda berdi. Jarohati tufayli mavsumning katta qismini o'tkazib yuborgan edi va ruhiy jihatdan ancha qiyinchilikka uchradi. Bugun o'sha qiyinchiliklarning mevasini totib ko'rdi va bundan xursandmiz.
Zaxira o'rindig'i emas, tribunada o'tirganingda ko'p vaziyatlarni o'tkazib yuborasan. Men u erda o'tirishga shu qadar ko'nikib qolganmanki, boshqa joyda o'tirib baho berish juda qiyin. Ammo eng muhimi - biz g'alaba qozondik", - deydi Venger.
— deya xabar beradi uff.uz nashri.