Jahon futbolida ko'pchilik muxlislar intizorlik bilan kutadigan uchrashuvlar talaygina. Biz Derbilar TOP-5 taligini tuzib chiqishga qaror qildi. Reyting nafaqat bir shaharning ikki jamoasi o'rtasidagi derbilar, balki etakchilar «jang»iga ham alohida urg'u berilgan holda tuzildi.

5. «Roma» - «Latsio»
Maqomi: Shahar derbisi
«Rim derbisi»dagi g'alaba xatto Skudetto bilan teng hisoblanadi. Ushbu jamoalar o'rtasidagi qarama-qarshilik 1927 yili boshlangan. Diktator Benito Mussolini Rim klublarini birlashtirib, Shimoliy Italiya jamoalariga raqobat taqdim etadigan yaxlit kuch tuzish haqida buyruq beradi. Biroq «Latsio» bunga rad javobini beradi. Natijada «Roma» kambag'allar va ishchilarni o'z «qaramog'i»ga oladi. «Burgutlar»ni bu hol xursand qilmagani tabiiy hol. Buning ustiga «Roma» Rim shahrining asoschilari – Romul va Remni emizgan ona bo'rini ramz qilib oladi. Italiyaning markaziy uchrashuvida bosh rolni muxlislar o'ynashadi. Rim muxlislar madaniyati markazidir. Aytishlaricha turli bannerlarni ko'tarishni ham «Roma» muxlislari boshlab berishgan. «Latsiallar» esa ingliz muxlislik madaniyatini qo'llshadi. Oldinlari Rimlik muxlislarning yuzma-yuz to'qnashuvlari bilan yakun yasalardi. So'nggi paytlarda «xuliganlik» ancha kamaygan bo'lsa ham, «Bannerlar jangi» davom etib kelmoqda.

4. «Manchester Yunayted» - «Manchester siti»
Maqomi: Shahar derbisi
Ushbu derbi so'nggi yillarda etakchilar safiga qo'shildi. Bunga sabab «Manchester Siti»ning ancha kuchayganidir. 2012 yilda «Shaharliklar» 44 yillik tanaffusdan so'ng chempionlikni nishonlashdi. O'shanda ular hamshaharlarini to'plar nisbatiga ko'ragina ortda qoldirishgan edi. Manchesterda ko'pchilik «Siti»ga muxlislik qilishar ekan. Biroq «Yunayted»ning o'yinlariga muxlislar ancha ko'p tashrif buyurishini ham alohida ta'kidlab o'tmoq joiz. Davomi Furqat Yusupov blogida.
— deya xabar beradi uff.uz nashri.