"Bavariya" bosh murabbiyi Karlo Anchelotti professional sport sog'lik uchun zararli ekanini aytib o'tdi.
"Men 20 yil davomida professional sport bilan mashg'ul bo'ldim. Hozir mutlaqo yugura olmayman. Tizzam allaqachon ishdan chiqqan va elkam haqida ham xuddi shu gapni aytishim mumkin.
Mashg'ulotlar muhim, ammo oshirib yubormaslik ham muhim ahamiyatga ega. Har doim terga botib ishlash mumkin, ammo vaqti-vaqti bilan tanaga dam berib turish ham kerak. Men o'z futbolchilarimni mashg'ulotlar bilan o'ldiradigan murabbiylardan emasman.
Ispaniyada shunday gap bor - haddan ortiq suv ekinni nobud qiladi. Aynan shu gap mashg'ulotlarga ham tegishli. Agar menga hozir sport sog'lik uchun foydali, deyishsa, qo'shilmayman", - deydi 57 yoshli Anchelotti.
Eslatib o'tamiz, Karlo Anchelotti futbolchi sifatida "Parma", "Roma", "Milan" va Italiya terma jamoasi sharafini himoya qilgan.
— deya xabar beradi uff.uz nashri.