O'zbekistonlik xalqaro grossmeyster Sarvinoz Qurbonboeva Evroosiyo mintaqasidagi eng go'zal shaxmatchi deya e'tirof etilishi mumkin. Ayni paytda u onlayn ovoz berish natijalariga ko'ra ikkinchi o'rinda bormoqda. Sarvinozning hisobida 2017 yil 1 fevral soat 12:30 holatiga ko'ra 6112 ochko bor. Birinchi o'rinda borayotgan qozog'istonlik Jansaya Abdumalikning hisobida 6282 ochko mavjud. Farq roppa-rosa 170 ochkoga teng. “Evroosiyo shaxmat go'zali — 2017” tanlovida o'zbekistonlik va qozog'istonlik shaxmatchi qizlardan tashqari tojikistonlik Mutriba Hotamiy (576 ochko), hindistonlik Dhyani Deyv (388 ochko), ozarboyjonlik Narmin Halafova (219 ochko), polshalik Maryola Voznyak (159 ochko), qirg'izistonlik Ayjan Alimbay qizi (249 ochko) va Aleksandra Samaganova (83 ochko), shuningdek, eronlik Dorsa Durahshoniy (67 ochko) ishtirok etmoqda. Ovoz berish jarayoni yakuniga etishiga 1 kundan ziyodroq vaqt qoldi. Demak, hali hamyurtimizning g'olib bo'lishiga yordam berishga ulguramiz. Buning uchun quyidagi havola (link) orqali o'tib, O'zbekiston vakilini qo'llab-quvvatlashingizni so'raymiz.
— deya xabar beradi uff.uz nashri.