Uchrashuvning ilk daqiqalaridan oldinga tashlangan vakillarimiz raqib darvozasi oldida birinchi xavfli vaziyatni 7-daqiqada vujudga keltirishdi. Islom Karimov jarima maydonchasiga kirib borib zarba berdi. Uning zarbasiga aniqlik etishmadi. 14-daqiqada Dilshod Baratovning o'tkir bo'rchak ostidan bergan zarbasini “Talabalar” posboni qiyinchilik bilan bartaraf etdi. 42-daqiqada Sardor Isaqov hisobni ochishga muvaffaq bo'ldi. Uning uzoq masofadan bergan zarabasini “talabalar” darvozaboni qaytarishga ojiz qoldi. Birinchi bo'limda har ikki jamoada bir qator qulay imkoniyatlar yuzaga kelganiga qaramay, boshqa to'p kiritish hech kimga nasib etmadi. Ikkinchi bo'lim yoshlarimiz uchun omadsiz boshlandi. 48-daqiqada “FarDU” futbolchisi Sardor Masodiqov darvozamizni aniq nishonga oldi. 68-daqiqada yoshlarimiz yana oldinga chiqib olishdi. Islom Karimov yuzaga kelgan imkoniyatdan unumli foydalanib, raqib darvozasini ishg'ol etdi. 78-daqiqada Iqbol Malikjonovning jarima maydonchasiga oshirib bergan to'pi Orif Mamajonovning noaniq zarbasi bilan yakun topdi. Qolgan daqiqalarda ham jamoalarda bir nechta imkoniyat yuzaga keldi. Ammo ularning barchasi samarasiz yakunlandi. Shu tariqa, Muhsin Nizomiddinov shogirdlari musobaqadagi uchinchi g'alabasini qo'lga kiritdi. “Qo'qon-1912-2” jamoasi turnirdagi oxirigi uchrashuvini 3 fevral kuni Andijonning “O'z Tong Xong Ko” klubiga qarshi o'tkazadi. “Viloyat Hokimi Kubogi-2017”
“D” guruhi 4-tur “Qo'qon-1912-2” – “FarDU” 2:1 (1:0)
Gollar: Sardor Isaqov-42, Islom Karimov-68. – Sardor Masodiqov.
“Qo'qon-1912-2”: 30. Islom Abdullaev, 5. Doniyor To'lashev, 8. Islom Karimov, 10. Iqbol Malikjonov, 11. Ibrohim Muxtorov, 21. Doston Meliqo'ziev, 19. Shoxrux Xolmatov, 22. Orif Mamajonov, 25. Dilshod Baratov, 26. Sardor Isaqov, 27. Ismoil Oxunjonov.
Zaxira: 1. Muhammadali Sobirov, 2. Muhsin Baratov, 4. Ma'mur Rahimov, 6. Ramzbek Isaqov, 14, Ibrohim Ahmadjonov, 15. Mo'min Sodiqjonov, 17. Abror Ergashev.
“FarDU”: 1. Doston Mirxzarimov, 4. Zuhriddin Rahmatov, 3. Xo'jamurod Nasriddinov, 6. Mashhur G'ulomov, 5. Doston Rahimjonov, 21. Kozim Ahmadjonov, 14. Qahramon Mamadaliev, 10. Sherdor Turanov, 77. Bekzod Alijonov, 15. Shahboz Mo'minov, 8. Sardor Masodiqov.
Zaxira: 71. Faxriddin Mirzaqosimov, 7. O'tkir Mahmudov, 13. Abbos Salimjonov, 11. Akbar Sobirov, 12. Sobir Abdumo'minov, 16. Rustam Solijonov, 17. Muhammadsodiq Hakimjonov.
— deya xabar beradi uff.uz nashri.