Oliy liganing 29-turida "Paxtakor" Qarshida "Nasaf" mehmoni bo'ladi.

Ro'ziqul Berdiev shogirdlari joriy mavsum O'zbekiston Kubogini qo'lga kiritishdi va chempionatda bronza medallarini o'ziniki qilib olishdi. Jamoamizga mazkur bahsda g'alaba oltin medallar uchun kurashda holatni o'z qo'lida saqlab qolish uchun juda muhim. Oliy ligada jamoalar 37 bor to'qnash kelgan. Shulardan 21tasida "sherlar" g'olib bo'lishgan, 9 o'yinda g'olib aniqlanmagan. "Nasaf" hozirga qadar 7 marta zafar quchgan. To'plar nisbati "Paxtakor" foydasiga - 54:28. Qarshida bu jamoalar o'rtasidagi o'yinlarning 5tasida "Paxtakor" zafar quchgan. Etti bahsda durang qayd etilgan. "Nasaf" esa 6 bor g'alabani tantana qilgan. Birinchi davrada Toshkentda o'tgan bahsda Adnan Oraxovats va Igor Sergeev (ikkita) tomonidan urilgan gollar "Paxtakor"ga g'alaba keltirgan. Ilhom Shomurodov javob golini urgan - 3:1.

"Nasaf" va "Paxtakor" jamoalari o'rtasidagi uchrashuv 4 noyabr, chorshanba kuni Qarshidagi "Nasaf" stadionida soat 14:00da boshlanadi. Bellashuvni Ravshan Ermatov boshchiligidagi hakamlar guruhi boshqarib boradi. Muxlislarimizni mazkur muhim bellashuvda jamoamizni stadionda qo'llab-quvvatlashga chaqiramiz.

"NASAF" - "PAXTAKOR"
Hakamlar: Ravshan Ermatov (Toshkent), Abdulhamid Rasulov (Toshkent), Jahongir Saidov (Toshkent), Igor Garmashov (Toshkent).
Nazoratchi: Bulat Galeev (Urganch).
— deya xabar beradi uff.uz nashri.