O'zbekistonlik hujumchi Bahodir Nasimov Janubiy Koreyaning ikkinchi divizioni vakili – “Ansan Griners” klubi bilan shartnoma imzoladi. Bahodir Nasimov 2016 yilgi mavsumni Toshkentning “Bunyodkor” safida o'tkazib, 26 uchrashuvda 8 ta golga mualliflik qilgandi.   29 yoshli futbolchi faoliyati davomida Samarqandning “Dinamo” (2007–2010), Qoonning “Rubin” (2010–2011), Bokuning “Neftchi” (2011–2014) hamda Eronning “Padideh” klublarida to'p surgan. Bundan tashqari, u 2009–2015 yillar davomida O'zbekiston terma jamoasi sharafini himoya qilib, 20 o'yinda 5 ta gol kiritgan. Ma'lumot uchun, “Ansan Griners” 2016 yilning yozida tashkil topgan. Klub stadioni Ansan Wa Stadium 35 ming muxlisni o'z bag'riga sig'dira oladi. Ayni vaqtda jamoa shaklllanishda davom etmoqda. Hozirgi kunda “Ansan Griners” safida chernogoriyalik Luka Rotkovich va braziliyalik Uilliam Enrike kabi legioner futbolchilar bor.  
— deya xabar beradi uff.uz nashri.