Ayni damda “Torino“da o'ynayotgan darvozabon Jo Xart yozda “Chelsi” klubiga o'tishi mumkin. Calciomercato portalining ma'lumotiga ko'ra, 29 yoshli posbon londonlik klub vakillari bilan bu borada muzokaralar o'tkazib ulgirgan. Manbada aytilishicha, Xart seshanba kuni Milanga tashrif buyurgan va “Chelsi”ga amalga oshishi mumkin bo'lgan transferini muhokama qilgan. Eslatib o'tamiz, londonliklarning amaldagi posboni Tibo Kurtuani “Real”ga o'tib ketishi mumkin, jamoaning ikkinchi darvozaboni Asmir Begovich esa muntazam o'yin amaliyotiga ega bo'lish niyatida klubini o'zgartirmoqchi. Huquqiy jihatdan “Manchester Siti“ga tegishli Xart italyan klubi uchun 22 marta maydonga tushib, darvozasidan 30ta gol olib chiqqan va olti bor “quruq“ o'yin o'tkazgan. Uning “Manchester Siti” bilan shartnomasi 2019 yili tugaydi.
— deya xabar beradi uff.uz nashri.