Angliyaning amaldagi chempioni – “Lester Siti” salbiy natijalar qayd etishda davom etmoqda. Klaudio Raneri chempionlarga xos o'yin namoyish qilmayapti.   Gap shundaki, “Lester” 2017 yildan buyon APLda 5 ta o'yin o'tkazib, biror marta ham raqiblari darvozasiga yo'l topa olmadi. “Tulkilar” avval “Midlsbro” bilan 0:0 hisobida durang o'ynadi. Keyin Raneri jamoasi "Chelsi" (0:3), "Sautgempton" (0:3), "Byornli" (0:1) va "Manchester Yunayted" (0:3) jamoalariga mag'lub bo'ldi. Klaudio Raneri shogirdlari yangi yilda Angliya kubogining "Everton" (2:1) va "Derbi" (2.2) jamoalariga qarshi o'yinda gol urishni uddalagan.
— deya xabar beradi uff.uz nashri.