OChL–2017 turniri pley-off bosqichidan o'rin olgan “Al-Jaish” – “Bunyodkor” uchrashuvi oldidan yig'ilish bo'lib o'tdi, deb yozadi klub matbuot xizmati. Ma'lum bo'lishicha, unda jamoalar menejerlari, uchrashuv rasmiylari va tashkiliy ishlarga mas'ul bo'lgan shaxslar qatnashishdi. Tadbirda bir qancha tashkiliy masalalar muhokama qilib olindi. Shuningdek, jamoalarning ertangi bahsda qanday rangli liboslarda to'p tepishi ham tasdiqlandi. Unga ko'ra, mezbonlar – “Al-Jaish” vakillari oq, “Bunyodkor” – qizg'ich va hakamlar – sariq kiyimda harakat qilishadi.
— deya xabar beradi uff.uz nashri.