Urugvay terma jamoasi sobiq hujumchisi Diego Forlan "Arsenal" va uning bosh murabbiyi Arsen Venger haqida fikr bildirdi.
"Men "Arsenal" muxlislarining alamini tushunaman. Ular 2004 yildan buyon chempion bo'la olmayaptilar. "Arsenal" ulkan klub, bu jamoa har hafta Londondagi ajoyib stadionda, 60 ming muxlis qarshisida o'ynaydi.
"Arsenal" ulkan tarixga ega, men Angliyada o'ynagan vaqtlarda chempionatning eng yaxshi klubi edi. Hatto "Manchester Yunayted"ning ba'zi futbolchilari "Arsenal" kuchliroq ekanini tan olardilar. "MYu" "Arsenal"ga qarshi kechadigan o'yinlarda extiyotkorlik bilan, himoyadan o'ynashga majbur edi. Bunday jamoalar esa ko'p emas.
Ammo oradan ko'p vaqt o'tdi, Venger esa hamon bosh murabbiy bo'lib turibdi. Tarix uni buyuk murabbiy sifatida eslab qoladi. Venger ajoyib murabbiy, men uning "Arsenal"da uzoq vaqt ishlaganidan hayratdaman. Ammo klubning ishlari baribir u qadar yaxshi emasligi ham haqiqat.
Toki Venger ketmas ekan, "Arsenal" jiddiy sovringa da'vo qila olmaydi. Klubda eng avvalo mentalitet o'zgarishi lozim va barchasini murabbiydan boshlash kerak", - deydi Forlan.
— deya xabar beradi uff.uz nashri.