Aql bovar qilmas transferlar faqat xitoyliklar uchun chiqarilgan emas. Moliyaviy jihatdan Evropa futboli garchi Xitoy bilan tengma-teng bahslasha olmasada, qimmatbaho va shov-shuvli transferlarni amalga oshirishda etarlicha sensatsiyalar ko'rsatishga qodir. Quyida yanvar oyidagi eng qimmatbaho transferlar ketma-ketligini havola etamiz Yulian Draksler Transfer: Volfsburg”dan “PSJ”ga Transfer bahosi: 40 million evro Nemis futbolining oltin o'g'loni Yulian Draksler roppa-rosa 2 yil avval “Shalke” rahbariyatidan uni “Volfsburg”ga qo'yib yuborishini so'ragan edi va bu sodir bo'ldi ham. Ammo “Volfsburg”da ishlar chappasiga ketdi. Mavsum avvalidan Draksler va “Volfsburg”ni “chempionlik kurashida “Bavariya” bilan bahslashishi tahmin qilingan edi. Kutilmaganda “bo'rilar” ishonchni oqlashmadi va mavsumni Bundesligada qolish uchun kurashda o'tkazdilar. Qator omadsizliklardan so'ng, Draksler bu safar “Volfsburg” rahbariyatiga transfer borasida murojaat qilishiga to'g'ri keldi va nihoyat chempionlikka ishtiyoqi kuchli bo'lgan “PSJ” safiga qo'shildi. Gabriel Jezus Transfer: “Palmeyras”dan “Manchester Siti”ga Transfer bahosi: 32 million evro Jezus “shaharliklar” safiga qo'shilishi bilanoq ko'plab ekspertlar uni Agueroning o'rinbosari, sifatida bashorat qilishdi. Gabrielning yangi klubidagi debyut o'yini muvaffaqiyatli chiqdi. “Tottenhem”ga katta bosh og'riqlik tug'dirgan futbolchi keyingi kubok bahsida o'z hisobiga “Siti”dagi debyut golini yozib qo'ydi. 20 yoshli hujumchi uchun rahbariyat 32 milliondan voz kechdi. Ehtimolan, hujumchi “Siti”ning yaqin yillardagi eng muvaffaqiyatli transferi bo'lishi mumkin. Davomi Penalti.uz da 
— deya xabar beradi uff.uz nashri.