24 yanvar kuni boshlangan va 25 noyabrgacha davom etadigan OChL-2017 yangilangan formatdagi turnirning hisob bo'yicha 15-mavsumidir. Joriy musobaqa 19ta mamlakatning 47ta klubini o'z ichiga olgan. Shulardan 32tasi guruh bosqichida o'ynaydi. Hozirda asosiy «setka»dagi 22ta ishtirokchi ma'lum. OChL shu masalada EChLga o'xshaydi. Yana 10ta jamoa bilan esa bugun va ertangi saralash o'yinlaridan so'ng tanishamiz. Muhimi, guruh bosqichiga to'g'ridan-to'g'ri yo'l olgan «Lokomotiv» yoniga «Nasaf» va «Bunyodkor» klublari qo'shilish imkoniyatiga egalar. «Bunyodkor» raqibi - «Al-Jaish» 2016 yilgi OChL bahslarida asosan Romarino-Hamdalloh-Rashidov uchligi xizmatlari yordamida yarim finalgacha etib borgan «Al-Jaish» Qatar Yulduzlar ligasida 2-o'rinni band etdi va mamlakatning 3-jamoasiga ajratilgan 0,5ta yo'llanmaga ega chiqdi. Tabiiyki, duxaylliklar uni butun qilish maqsadida maydonga tushishadi. Sardor Rashidov o'zining sobiq jamoasiga qarshi qanday o'ynashi ham ko'pchilikni alohida qiziqtirayotgan  bo'lsa, ajabmas. Ma'lumot uchun To'liq nomi: «Al-Jaish» sport klubi Tashkil topgan vaqti: 2007 yil Prezidenti: Hamad bin Ali al Attiyah Stadioni: «Abdulloh bin Nosir bin Xalifa» (sig'imi - 12000) Bosh murabbiyi: Sabri Lyamushi (Frantsiya) Ekipirovka ta'minotchisi: Nike. 2007 yili Doxaning Al-Duxayl tumanida tashkil topgan mazkur klub yurtimizdagi muxlislarga yaxshi tanish. Ayniqsa, so'nggi paytlar bu klubga nisbatan e'tibor-qiziqishimiz keskin ortgani bor gap. Zero, milliy jamoamiz yarim himoyachisi Sardor Rashidov «Al-Jaish» safiga qo'shilganidan buyon klub natijalarini diqqat bilan kuzatib boryapmiz. Duxayl jamoasi so'nggi paytlar o'z tarkibini yosh va iqtidorli xorijliklar bilan to'ldirishga katta e'tibor qaratyapti. Tabiiyki, bu yo'lda etarlicha mablag' sarflanmoqda. Zero, aksariyat arab klublari kabi «Jaish»­da ham moliya masalasida aytarli muammo yo'q. Frantsiyalik mutaxassis Sabri Lyamushi futbolchilik faoliyatini aynan Qatarda yakunlagan edi. U «Al-Jaish»ga 2014 yilning 27 dekabridan buyon ustozlik qilmoqda. «Al-Jaish»ning taxminiy tarkibi. Darvozabon: Saud Muborak; himoyachilar: Lukas Mendesh, Murod Naji Husayn, Yosir Abubakr Iso, Ali Sanad; yarim himoyachilar: Sardor Rashidov, Seydu Keyta, Muhammad Abdulraab, Muhammad Maznaniy, Muhammad al Jabriy; hujumchi: Roma-   rino. Jamoa legionerlari. Lukas Mendesh (1990 yil 3 iyulda tug'ilgan). Chap qanot va markaziy himoyada birdek o'ynash salohiyatiga ega. Davomi iff.uz saytida.
— deya xabar beradi uff.uz nashri.