Dortmundning "Borussiya" klubi hujumchisi Per-Emerik Obameyang "Milan" jamoasi rahbariyatining qiziqishlari doirasiga kirgan. Bu haqida Tuttosport nashri xabar tarqatdi. Manbada aytilishicha, 27 yoshli gabonlik futbolchi milanliklar tomonidan xitoylik investorlarning pullariga sotib olinishi mumkin. Aytish joiz, Obameyang "Milan" akademiyasi bitiruvchisi sanaladi. Avvalroq, hujumchi "Borussiya"dan "Real"ga o'tishi mumkinligi xabar qilingandi. Ushbu mavsumda Obameyang Germaniya chempionatning 18ta o'yinida, 17ta gol hamda bitta golli uzatmaga mualliflik qilgan.
— deya xabar beradi uff.uz nashri.