Madridning "Real" klubi yarim himoyachisi Xames Rodriges boshqa jamoaga o'tish rejasi yo'qligini aytib o'tdi. Kolumbiya terma jamoasi yarim himoyachisi Chempionlar ligasi doirasida "Napoli"ga qarshi kechgan va 3:1 hisobidagi g'alaba bilan yakuniga etgan o'yindan so'ng bu haqida fikr bildirdi.

"Men hammasini yaxshilab o'ylab oldim. "Real" buyuk klubu va bu erda o'ynashni har doim orzu qilganman. Futbolchida omadli va omadsiz lahzalar bo'ladi, ammo men "Real"da uzoq yillar o'ynashni istayman.

Futbolchi har doim maydonga tushishni istashi turgan gap. Hozir menda o'yin amaliyoti ko'proq bo'lmoqda va bunday vaziyatda barchasi o'zgarishi turgan gap", - deydi Rodriges.

Eslatib o'tamiz, joriy mavsum davomida bir necha bor matbuotda Rodriges "Real"dan ketishi haqida ma'lumotlar paydo bo'lgan edi. Xames Rodriges Ispaniya chempionatida o'tkazilgan 20 ta o'yindan 10 tasida maydonga tushgan va shundan faqat 4 tasida asosiy tarkibda o'ynagan.

Yarim himoyachining hisobida bitta gol va uchta golli uzatma mavjud.
— deya xabar beradi uff.uz nashri.