Kuni kecha EChL 1/8 finali doirasida bo'lib o'tgan “PSJ” – “Barselona”(4:0) o'yini qizg'in bahs-munozaralarga sabab bo'ldi. Biz esa ushbu jamoalarda o'ynagan eng yaxshi futbolchilar bilan sizlarni tanishtiramiz. Lyudovik Jyuli “Barselona”: 2004–2007(124 o'yin, 26 gol) “PSJ”: 2008 – 2011(125 o'yin, 19 gol) Faoliyatining “gullagan” davrini “Barselona”da o'tkazgan frantsiyalik futbolchi katalon klubida ikki bor La ligada g'olib chiqqan bo'lsa, yana bir bor EChLda g'alaba qozonadi. “PSJ”ga esa qo'pol qilib aytganda “yoshi o'tgan” mahal kelgan bo'lishiga qaramay o'zining yorqin o'yinlari bilan muxlislar mehrini qozona oladi. Tiago Motta “Barselona”: 1999–2007(139 o'yin, 9 gol) “PSJ”: 2012–hozirgacha(186 o'yin, 10 gol) Motta “Barselona”da 8 yil to'p suradi va jamoadagi kuchli raqobat tufayli jamoasini o'zgartiradi. 8 yilda 140 ga yaqin o'yin, bu juda ham kamdir. 2012 yilning yanvarida “PSJ” “Inter”dan Mottani harid qiladi. Ushbu transfer parijliklar uchun 11,5 mln evroga tushadi. Ammo tan olish kerak, Motta hozirda “PSJ”da asosiy tarkibdagi o'rnini yo'qotib bo'ldi. Lyuka Din “Barselona”: 2016–hozirgacha “PSJ”: 2013–2016(43 o'yin) Lyuka Din “PSJ”ning asosiy futbolchisi bo'lgan emas. 2015 yilgi mavsumni “Roma”da o'tkazgan himoyachini “Barselona” 16 mln evro evaziga sotib oldi. Din “blaugranaslar” safida etarlicha o'yin amaliyotiga ega bo'layotgan bo'lsada, asosiy o'yinlarda Luis Enrike ko'proq Xordi Albaga imkon bermoqda. Maksvell “Barselona”: 2009–2012(89 o'yin, 2 gol) “PSJ”: 2012–hozirgacha(185 o'yin, 14 gol) Maksvellni Zlatan Ibragimovichning “yaqin do'sti” deyishimiz mumkin. Zero, bu ikkovlon birgalikda “Ayaks”, “Inter”, “Barselona” va “PSJ”da to'p surishga ulgurgan. Ammo braziliyalik himoyachi shveddan farqli o'laroq, o'tgan yozda jamoasini almashtirish istagini bildirgani yo'q. Maqolaning davomi penalti.uz saytida
— deya xabar beradi uff.uz nashri.