«Sent-Eten» himoyachisi Floranten Pogba Evropa ligasining 1/16 final bosqichida ukasi Pol Pogba o'ynayotgan “Manchester Yunayted”ga qarshi o'yindan cho'chimayotganini ta'kidladi. Shuningdek, ularning onasi stadionda o'tirib o'yinni faxr bilan ko'rishini aytib o'tdi. - Men “MYu”ga qarshi o'yindan cho'chimayapman. Shunchaki afsonaviy stadionda o'ynashni juda xohlayapman. Qur'adan so'ng ukam bilan ozgina hazillashdik, ammo so'ng e'tiborni bo'lajak o'yinga qaratdik. Bu biz uchun xursandchilik onlari bo'lib esda qoladi. O'yindan so'ng futbolkalarimizni almashamiz, kim kuchli bo'lsa o'sha yutsin. - Bizning onamiz uchun bu bahs ikki xil hissiyotni beradi. Albatta u hech qaysimizni mag'lub bo'lishimizni istamaydi. Ikkalamiz ham g'alaba uchun o'ynaymiz. Bugun 90 daqiqadan keyin kimdir mag'lub bo'lishi mumkin, ammo onam uchun emas. U bugun ham, bir haftadan so'ng ham o'yinimizni stadionda o'tirib kuzatadi. Onamiz uchun bunday darajadagi bahsda ikki o'g'ilning o'ynashini kuzatish haqiqiy baxt bo'ladi. "Manchester Yunayted" - "Sent-Eten" bahsi bugun tunda Toshkent vaqti bilan soat 01:05da "Old Trafford"da bo'lib o'tadi.
— deya xabar beradi uff.uz nashri.