Londonning “Arsenal” klubi bosh murabbiyi Arsen Venger mavsum oxirigacha “kanonirlar“ni boshqaradi va shundan so'ng uning kelajagi borasida qarorga keladi. The Telegraph nashrining ma'lumotiga ko'ra, frantsiyalik mutaxassisning kelajagi bo'yicha qaror mavsum oxirida yoki yozda qabul qilinadi. Jamoaning ko'pgina muxlislari Venger bilan hamkorlik bekor qilinishi tarafdori. Shuningdek “Arsenal” rahbariyati Vengerga o'rinbosar qidiruvini boshlab yuborgani xabar qilingandi. Eslatib o'tamiz, kuni kecha “Arsenal” Chempionlar ligasida “Bavariya”dan yirik hisobda mag'lub bo'ldi.
— deya xabar beradi uff.uz nashri.