"PSJ" klubi yarim himoyachisi Marko Verratti "Real"ga qarshi (0:1) Chempionlar ligasining 4-tur bahsida jarohat orttirib oldi. Bu haqida Football Italia nashri xabar beradi. 22 yoshli futbolchi o'yinning 17-daqiqasida almashtirildi va ko'zi to'la yosh bilan maydonni tark etdi. Italiyalik shu zahoti Madriddagi shifoxonalardan biriga olib ketilgan. Verratti sonidan jiddiy jarohat olgani taxmin qilinmoqda, ammo, bu borada hozircha aniq ma'lumot yo'q. Joriy mavsumda yarim himoyachi parijliklar safida barcha musobaqalarda 15 marta maydonga tushib, bitta golli uzatmaga mualliflik qilgan.
— deya xabar beradi uff.uz nashri.