«Chelsi» hujumchisi Dominik Solanke yozgi transferlar oynasida «Liverpul» futbolchisiga aylanadi. The Sun nashrining xabariga ko'ra, hujumchi o'z do'stlariga «Liverpul»ga o'tishi xaqida ma'lum qilgan. Futbolchining «Chelsi» bilan tuzgan shartnomasi mavsum yakunida tugaydi, lekin «Liverpul» londonliklarga Solanke uchun 8million funt to'lashadi. Avvalroq, «Chelsi» 19 yoshli futbolchining moliyaviy so'rovini qoniqtira olmasligi sabab amaldagi shartnomani uzaytirishni istamagandi. Gollandiyaning «Vitess» jamoasida ijara asosida faoliyatini olib borgan, Solanke «Chelsi»dan haftasiga 50ming funt ta'lab qilgandi. Shuningdek, Dominik xizmatlariga Shotlandiyaning «Seltik» jamoasi ham jiddiy qiziqish bildirgandi, lekin Klopp futbolchi bilan suhbatda uni «Liverpul»ga o'tishga ko'ndirgan.
— deya xabar beradi uff.uz nashri.