2-15 fevral kunlari Toshkentda dastlabki o'quv-mashg'ulot yig'inini o'tkazgan «Dinamo» jamoasi ikki kunlik dam olishdan keyin yana poytaxtimizda to'plandi. Yangi mavsumga so'nggi tayyorgarlik bosqichi bo'lgan ushbu yig'in 17 fevraldan 24 fevralga qadar davom etadi. Bir hafta davomida «Dinamo» jamoasi Toshkentda bir qator nazorat bahslarini o'tkazishni rejalashtirgan. Jumladan, klub 17 fevral kuni «Bunyodkor» o'rinbosarlariga qarshi to'p sursa, 19 fevralda Jizzaxning «So'g'diyona» klubi bilan o'yin kutib turibdi. 22 fevralda esa Namanganning «Navbahor» klubi bilan bahs o'tkaziladi. «Dinamo» 24 fevral kuni Samarqandga qaytib, chempionatning 1-tur o'yini Bekobodning «Metallurg» klubiga qarshi bahsga tayyorgarlik ko'radi. Eslatib o'tamiz, Oliy Liga bahslari 3 mart kuni start olib, «Dinamo» jamoasi 1-turda Bekobodda «Metallurg» mehmoni bo'ldi.
— deya xabar beradi uff.uz nashri.