88 kunlik tanaffusdan so'ng yana maydonga qaygan «Real» Madrid hujumchisi Garet Beyl kecha «Espanol»ga qarshi uchrashuvda «qirollik klubi»ning g'alabasini ta'minladi. «Real» bosh murabbiyi Zinedin Zidan o'yindan so'ng Garet Beyl haqida o'z fikrlarini bildirdi.: « Garet uchun juda xursandman, u 3 oylik tanaffusdan so'ng yana maydonga qaytdi va gol urishni boshladi. O'yindan avval Beylni maydonga tushirishga vada bergandim, o'ylaymanki vadamni a'lo darajada bajardim. Birinchi navbatda, uning sog'ligi biz uchun muhim. Garet «Real» uchun kerakli futbolchi. Ronaldu haqida nima deya olishim mumkin? Uning ko'p gol urmayotganidan xavotirda emasman. Krishtianuning maydonda jamoadoshlariga katta foydasi tegayotgani meni xursand qilmoqda. U gol urishdan ko'ra, jamoadoshlariga pas berishni afzal bilmoqda, bu holat esa jamoa ichki muhiti yaxshiligidan darak beradi», - deydi Zidan Marca nashriga bergan intervyusida. Ma'lumot uchun, «Real» - «Espanol» uchrashuvi 2:0 hisobida madridliklarning g'alabasi bilan yakunlandi.
— deya xabar beradi uff.uz nashri.