«Barselona» futbolchisi Aleish Vidal jiddiy jarohat olgani tufayli mavsum yakuniga qadar maydonga tusha olmasligi haqida avvalroq xabar berib o'tgandik. FIFA tashkiloti bu holatda «Barselona» uchun Vidal o'rniga transferlar mavsumi yopiq bo'lishidan qat'iy nazar boshqa futbolchi xarid qilish imkoniyatini bergandi. AS nashrining xabarig ko'ra, «kataloniyaliklar» Vidal o'rnini bosa oladigan 3ta nomzodni ko'zdan kechirishmoqda. «Barselona» skautlari hozirda «Valensiya»dan Joau Kanselu, «Deportivo»dan Xuanfran va «Malaga»dan Roberto Rosales harakatlarini muntazam kuzatib kelishmoqda. Ma'lumot uchun, Vidal Ispaniya chempionati doirasida «Alaves»ga qarshi uchrashuvda jarohatlangandi.
— deya xabar beradi uff.uz nashri.