Yangi futbol mavsumiga jiddiy hozirlik ko'rayotgan “Qo'qon-1912“ jamoasi o'z tarkibini Serbiyalik hujumchi bilan to'ldirdi. Jamoamiz ko'rigida bo'lib turgan Filip Rayevats tibbiy ko'rikdan muvafaqiyatli o'tdi. Rayevats bugun jamoamiz bilan shartnomaga imzo chekdi. Filip Rayevats Farg'onada bo'lib o'tgan “Hokim kubogi-2017” musobaqasida to'rtta o'yinda maydonga tushib beshta gol urganidan so'ng ,murabbiylar va muxlislarimizning olqishlariga sazovor bo'lgan edi. Bugun bo'lib o'tishi reja qilingan “Sho'rtan” jamoasiga qarshi o'rtoqlik uchrashuvida Serbiyalik hujumchining maydonga tushishi kutilmoqda. Biz Filip Rayevatsning jamoamizdagi faoliyatida omadlar tilaymiz !
— deya xabar beradi uff.uz nashri.