Iste'dodli tennischimiz Jo'rabek Karimov Turkiyada tashkil etilgan "Fyuchers" turkumidagi xalqaro turnirning asosiy to'riga chiqish uchun kurashmoqda.
Dastlabki bosqichda shveytsariyalik Sevenir Shteyner ustidan 6:0, 6:0 hisobida eng tezkor g'alabaga erishgan o'zbekistonlik raketka ustasi ikkinchi davrada rossiyalik Ivan Kalinin bilan raqobatlashdi.
Ushbu uchrashuvda ham Jo'rabek Karimov hujumkor o'yin ko'rsatdi va raqibini 6:2, 6:2 hisobida taslim qildi.
Endi hamyurtimiz saralashning so'nggi uchrashuvida kanadalik Pavel Kraynikka qarshi kortga chiqadi. Agar ushbu bahsda ham Jo'rabek Karimov zafar quchsa, asosiy to'r bellashuvlarida qatnashish huquqiga ega bo'ladi.
— deya xabar beradi uff.uz nashri.