Osiyo Chempionlar ligasi musobaqasining guruh bosqich 1-turidan o'rin olgan "Al-Taavon" - "Lokomotiv" klublari o'rtasidagi uchrashuv nihoyasiga etdi. Unda 1:0 hisobi qayd etilib, maydon egalarning g'alabasi bilan yakunlandi. O'yinning boshida mezbonlar tashabbusga ega bo'lishdi. Mezbonlar dastlabki hujumni gol bilan yakunlashdi, biroq NDiayening goli o'yindan tashqari holat tufayli inobatga olinmadi. 31-daqiqada Sadriddin Abdullaev jarima to'pini amalga oshirdi, to'pni darvozabon qo'lidan chiqarib yubordi, biroq Maxaradze darvozabonga nisbatan qo'pollik qilgani uchun bahs to'xtatildi. 42-daqiqada Nesterov xatoga yo'l qo'ydi, raqib futbolchisi Baraka to'pni darvozaga to'g'ri yo'llay olmadi, Nesterov xatosini to'g'irladi. Ikkinchi bo'lim birinchisidan ancha tez ko'rinish oldi. Raqib futbolchilari ko'plab, hujumlar uyushtirishda va hujumlar natijasi 68-daqiqaga kelib burchak to'pidan oshirilgan to'pda Nesterov yana xatoga yo'l qo'ydi, Talal Ali Absining boshi bilan bergan zarbasi arabistonliklarning g'alabasini ta'minladi - 1:0. Deyarli, «Lokomotiv»da golga tortadigan vaziyatlar bo'lmadi. Vakillarimiz OChLning ilk o'yinini safardagi mag'lubiyat bilan boshlashdi.  “Al-Taavon” (Saudiya Arabistoni) – “Lokomotiv” (O'zbekiston) 1:0
20 fevral, Burayda. Gol: Talal Al Absi (68) Al Taavon": 23.Sultan Al Gamdi, 4.Rikardo Machado, 5.Talal Ali Absi, 6.Abdulrahmon Al Baraka, 10.Jihod Al Hussayn, 14.Muhammad Abusaban (18.Mido, 79), 16.Naif Musa, 17.Mahmud Muaz, 19.Alassan NDiaye, 29.Lusian Sanmarten (3.Abdulloh Kano, 85), 49.Ahmad Zain (Muhammad Al Sayari, 70) "Lokomotiv": 1.Ignatiy Nesterov, 5.Kaxi Maxaradze, 11.Sadriddin Abdullaev (29.Quvondiq Ro'ziev, 66), 15.Sardor Mirzaev, 17.Salim Mustafoev, 18.Timur Kapadze (8.Salamat Qutiboev, 86), 20.Islom To'xtaxo'jaev, 28.Shuhrat Muhammadiev, 33.Oleg Zoteev (10.Marat Bikmaev, 57), 42.Gnontcha Kone, 99.Jaloliddin Masharipov 

Ogohlantirishlar: Muhmmad Kone 75, Al Absi 80
— deya xabar beradi uff.uz nashri.