Myunxenning “Bavariya” klubi rahbariyati himoyachi Filipp Lamga davomchi qidiruvini boshlab yuborgan. 2014 yilgi Jahon chempioni shartnomasi muddati 2018 yili o'z nihoyasiga etishiga qaramay, joriy mavsum oxirida faoliyatini yakunlashini e'lon qilgandi. Le Parisien nashrining ma'lumotiga ko'ra, nemis grandi “Monako” jamoasi himoyachisi Almami Turega qiziqish bildirmoqda. Uning monegaskalar bilan bitimi 2020 yilning yoziga qadar mo'ljallangan. Ushbu mavsumda Ture Frantsiya chempionatining 11ta bahsida maydonga tushib, 5ta gol kiritgan.
— deya xabar beradi uff.uz nashri.