OFK Kubogi “S” guruhi 1-turida o'zbekistonlik himoyachi Maksimilian Fomin to'p surayotgan Ummonning “Saham” jamoasi o'z maydonida Bahraynning “Al-Muharraq” klubi bilan kuch sinashdi. O'yin ummonliklarning 3:2 hisobidagi g'alabasi bilan yakunlandi. Dastlab mehmonlar gol kiritdi. Keyin esa “Saham” ikkita gol urib, oldinga chiqib oldi. Ikkinchi bo'limda hisob yana tenglashdi. Uchrashuv yakunida Fomin jamoasi yana bitta gol urdi. Mazkur o'yinda Maksimilian Fomin asosiy tarkibda maydonga tushdi va jamoasining muvaffaqiyatiga o'z hissasini qo'shdi. “Saham” – “Al-Muharraq” 3:2 Gollar: Al Jabri (32), Juhar (44), Hassani (88) – Nelson (10), Abdo (51-penalti)
— deya xabar beradi uff.uz nashri.