Madridning «Real» klubi yarim himoyachisi Xames Rodriges jamoasining yaqin oradagi chempionat doirasida «Valensiya» va EChL 1/8 finalida «Napoli»ga qarshi kechadigan ikkita muhim uchrashuvi haqida o'z fikrlarini bildirib o'tdi. «Bizni «Mestalya»da qiyin o'yin kutib turibdi va biz ushbu uchrashuvda g'alaba qozonishni istaymiz. Bizning jamoa har doim g'alabalarga erishishni va yuqorida bo'lishni istaydi. «Napoli»ga qarshi o'yinda asosiy tarkibda tushamanmi? Umid qilamanki, ushbu o'yinda maydonda harakat qilaman va jamoaga foyda keltiraman. «Napoli» – jiddiy raqib, 3:1 hisobidagi g'alaba bizga ustunlik bersada, o'yin juda qiyin bo'ladi. «Napoli» o'z maydonida bizga ulkan qarshilik ko'rsatadi», – deydi Xames.
— deya xabar beradi uff.uz nashri.