EChL pley-off bosqichidan joy olgan yana bir uchrashuvda «Bayer» o'z maydonida «Atletiko»ga yutkazib qo'ydi. O'yindan so'ng madridliklar bosh murabbiyi Diego Simeone uchrashuvdagi tafsilotlari haqida so'z ochdi. - O'yindan oldin, qanotlardan hujum qilsak «Bayer» himoyachilarini qiyin ahvolga solib qo'yishimiz mumkinligini bilardik. Yakunda shunday ham bo'ldi. Ikkinchi bo'limda raqib himoya chizig'imizda bir qancha muammolarni yuzaga keltirdi. Umuman olganda, o'yin natijasidan qoniqish xosil qildik. Gameyro «Atletiko» safidagi o'zining eng yaxshi o'yinlaridan birini o'tkazdi. Grizmann ham ajoyib harakat qildi. Endi Madridga yuzimda tabassum bilan qaytsam bo'ladi.
— deya xabar beradi uff.uz nashri.