Evropa Chempionlar ligasi 1/8 final ilk bahsidan o'rin olgan «Portu» – «Yuventus» uchrashuvi o'z yakuniga etdi. «Portu» maydoniga safar uyushtirgan «keksa sinora» ortga muhim g'alaba bilan qaytadigan bo'ldi. Turinliklar ikki golni ham ikkinchi bo'limda kiritdilar. 72-daqiqada Marko Pyatsa jamoasini oldinga olib chiqqan bo'lsa, oradan ikki daqiqa o'tar-o'tmas Dani Alves g'alabani mustahkamladi. Ushbu o'yinda portugaliyaliklar 27-daqiqadan so'ng o'nta bo'lib o'ynashga majbur bo'ldilar, jamoa himoyachisi Aleks Telles ikkinchi sariq kartochkadan so'ng maydonni erta tark etdi. Evropa Chempionlar ligasi, 1/8 final Portu (Portugaliya) – Yuventus (Italiya) 0:2  Gollar: 0:1 – 72 Pyatsa, 0:2 – 74 Dani Alves. Portu – Kasilyas, Pereyra, Felipe, Markano, Telles, Danilu Pereyra, Errera, Ruben Nevesh (Korona, 61), Braimi (Diogu Jota, 73), Andre Silva (Layyun, 30), Soares. Yuventus – Buffon, Lixtshtayner (Dani Alves, 73), Bardzali, Kellini, Aleks Sandro, Xedira, Pyanich, Kuadrado (Pyatsa, 67), Dibala (Markizio, 86), Manjukich, Iguain. Ogohlantirish: Telles (25), Pereyra (45), Lixtshtayner (50), Errera (85), Markano (89). Chetlatish: Telles (27).
— deya xabar beradi uff.uz nashri.