Oliy liga 29-turidan so'ng Toshkentning “Bunyodkor” jamoasi 2015 yilgi O'zbekiston chempionatida 4-o'rinni egallashi aniq bo'lib ulgurdi.
Shu tariqa, 2016 yilgi Osiyo Chempionlar ligasining g'arb mintaqasi “pley-off” bosqichida ishtirok etadigan barcha 15ta jamoa nomi ma'lum bo'lib ulgurdi. Bular:
1.Al-Ittihod” (Jidda, Saudiya Arabistoni)
2.“Naft” (Tehron, Eron)
3.“Bunyodkor” (Toshkent, O'zbekiston)
4.“Al-Jazira” (Abu-Dabi, BAA)
5.“Al-Shabab” (Dubay, BAA)
6.“Al-Sadd” (Doha, Qatar)
7.“Al-Jaish” (Doha, Qatar)
8.“Naft Al-Vasat” (Najaf, Iroq)
9.“Al-Quva Al-Javiya” (Bog'dod, Iroq)
10.“Al-Quvayt” (Al-Quvayt, Quvayt)
11.“Al-Vihdat” (Amman, Iordaniya)
12.“Al-Oruba” (Sur, Ummon)
13.“Al-Muharraq” (Muharraq, Baxrayn)
14.“Al-Ahad” (Bayrut, Livan)
15.“Al-Jaish” (Damashq, Suriya)
2016 yilgi Osiyo Chempionlar ligasi “pley-off” bosqichi xuddi o'tgan yildagi kabi uchta bosqichdan iborat bo'ladi. Dastlabki bosqich 27 yanvar kuni o'tkaziladi va unda oltita jamoa ishtirok etib, uchta g'olib jamoa nomiga oydinlik kiritadilar. Shundan so'ng, ikkinchi bosqichda ishtirok etadigan beshta jamoaga birinchi bosqichning uchta g'olib qo'shilib, to'rtta juftlikni tashkil etishadi. Shu tariqa, yana to'rta jamoa saralab olinadi. Bu o'yinlar 2 fevral kuni bo'lib o'tadi. Va nihoyat “pley-off”ning yakuniy, uchinchi bosqichida ikkinchi bosqichdan muvaffaqiyatli o'tgan to'rtta jamoa OFK reytinggida nufuzi balandroq bo'lgan mamlakatlar klublari bilan ro'baro' keladilar. Aniqrog'i, Al-Ittihod” (Jidda, Saudiya Arabistoni), “Naft” (Tehron, Eron), “Bunyodkor” (Toshkent, O'zbekiston) va “Al-Jazira” (Abu-Dabi, BAA) klublari yakuniy, uchinchi bosqichdan kurashga qo'shilishib, ikkinchi bosqichdan muvafaqiyatli o'tgan to'rtta jamoani qabul qiladilar. Guruh bosqichiga yo'llanma beruvchi uchinchi bosqich bahslari 9 fevral sanasiga belgilangan. Guruh o'yinlari 23-24 fevraldan boshlanadi. 2016 yilgi Osiyo Chempionlar ligasi “pley-off” bosqichi № Jamoa OChLda ishtirok etuvchi maqomi OChLdagi ishtiroklari soni OChLda so'nggi marta ishtirok etgan yili 3-BOSQICh 1 “Al-Ittihod” S.Arabistoni chempionatining 2014/2105 mavsumdagi 4-o'rin sohibi 10 2014 2 “Naft” Eron chempionatining 2014/2015 mavsumdagi 3-o'rin sohibi 2 2015 3 “Bunyodkor” O'zbekiston chempionatining 2015 yilgi mavsumdagi 4-o'rin sohibi 9 2015 4 “Al-Jazira” BAA chempionatining 2014/2015 mavsumdagi 2-o'rin sohibi 8 2015 2-BOSQICh 5 “Al-Shabab” BAA chempionatining 2014/2015 mavsumdagi 3-o'rin sohibi 4 2013 6 “Al-Sadd” Qatar chempionatining 2014/2015 mavsumdagi 2-o'rin sohibi 11 2015 7 “Al-Jaish” Qatar chempionatining 2014/2015 mavsumdagi 3-o'rin sohibi 4 2015 8 “Naft Al-Vasat” Iroq chempionatining 2014/2015 mavsumdagi chempioni 1 - 9 “Al-Quva Al-Javiya” Iroq chempionatining 2014/2015 mavsumdagi 2-o'rin sohibi 4 2008 1-BOSQICh 10 “Al-Quvayt” Quvayt chempionatining 2014/2015 mavsumdagi chempioni 6 2014 11 “Al-Vihdat” Iordaniya chempionatining 2014/2015 mavsumdagi chempioni 3 2015 12 “Al-Oruba” Ummon chempionatining 2014/2015 mavsumdagi chempioni 1 - 13 “Al-Muharraq” Baxrayn chempionatining 2014/2015 mavsumdagi chempioni 1 - 14 “Al-Ahad” Livan chempionatining 2014/2015 mavsumdagi chempioni 1 - 15 “Al-Jaish” Suriya chempionatining 2014/2015 mavsumdagi chempioni 3 2015
— deya xabar beradi uff.uz nashri.