Argentina terma jamoasi sobiq yarim himoyachisi va ayni vaqtda Meksikaning  «Gvadalaxara» klubi bosh murabbiyi bo'lib turgan Matias Almeyda futbolchilarning taomlanish tizimi haqida fikr bildirdi. Murabbiy shu bilan birga Diego Maradona va Madridning  «Real» klubi hujumchisi Krishtianu Ronalduni misol sifatida keltirgan.
- Ronaldu har kuni go'shtli taom eydi, deb o'ylamayman. U muntazam ravishda o'z ustida ishlaydi va mudom ajoyib formada. Maradonaga keladigan bo'lsak, u darhaqiqat haftasiga uch marta mashg'ulotda ishtirok etib ham dunyoning eng yaxshi futbolchisi bo'lib qolgan.
Ammo bu dunyoda Maradona yagona, bunaqasi boshqa uchramaydi. Agar hamma o'zini Maradonaga qiyoslayversa, futbol semizlarga to'lib ketadi, - deydi Almeyda.
— deya xabar beradi uff.uz nashri.